Ny kajakk

Som ein observant bloglesar har du kanskje latt deg slå i bakken i begeistring over den vakre grøne og gule kajakken som figurerer på ei rekkje av bileta på denne bloggen. Og du har heil rett; den er vakker. Kajakken er ein NDK Romany (ja, NDK heiter visst egentleg SKUK no - men det bryr eg meg lite om). Kajakkane blir produsert i Det-eingong-så-store-britain, hos SKUK.

Det er God Tur i Bergen som selg glisa, iallefall her i Sør- og Vest-Norge.

Hallvard Torp som av uforståelege grunnar har gått over til Valley Avocet har laga ei framifrå samanlinkningstest av dei to kajakkane, Romany og Avocet. Kanskje noko for deg som lurer på om du også vil ha ein slik kjekk kajakk?

Nytt og gamalt glis, diverre for deg er det gamle allereie solgt..

Forutan at kajakken er fin å sjå på er han laga på beste britisk vis. Mykje glassfiberduk gjer ingen vektfordel, men den tåler mykje! Kajakken er særs manøvrerbar og leken. Det er vel difor eg valte akkurat den. Etter eg fekk min første Romany for fire år sidan har eg berre gleda meg til å kome tilbake når eg prøver andre båtar.

Torbjørn

Meir rulling

I dag var eg og Vegard nok ein tur nede og rulla litt på stranda på Jelsa. Filminga har komt seg eit par hakk og eg fann ut at eg hadde eitt redigeringsprogram på dataen. Eg holdt på å sei takk til Microsoft, men fann raskt ut at det ikkje var rare greiene. Når det er sagt kan eg vel ikkje skulde på programmet, eg har ennå mykje å lære :)

Kanskje du skulle blitt med på eit eskimorullekurs i sommar?

Eskimorulle

Var ute og rulla litt på Hildrastranda på Jelsa i går. Prøvde å filme litt, men fant vel fort ut at Justine ligg eit par hestehovud foran meg når det gjeld å utvikle filmteknikk. Prøvde meg med alt frå å legge kamera på botn til å feste det under ein strikk rundt hovudet mitt. Det er det siste resultatet de får sjå her. Som sagt, eg ser at eg har noko å gå på :)

Legg merke til at fekk med ein nokså realistisk avslutning på rullå. Slikt er sjeldan med på dyrare produksjonar...

Sushi

I vinter prøvde eg sushi for fyrste gong. Det skjedde på Sumo i Bergen og var en særs fin oppleving. Eg veit ikkje kvifor eg ikkje har smakt desse delikate godbitane før, men nå har eg altså blitt bitt av basillen. Nedanfor ser de bilder frå eige sushikjøkken. Det er enkelt å lage sjølv, spesielt er maki enkle å få til. No sist prøve meg og Kristine oss på nigiri , noko som var litt vanskeleg å få til å henge saman. Ved å dyppe handa i kaldt vatn var det enklare å arbeida med risen og enklare å forma risen. Me har brukt laks frå Salma laks på Bømlo, ein særs god fisk. Dei har han iallefall på Meny. Der finn du forøvrig resten av ingrediensane og. Eg seier berre prøv sjølv! Det er heilt rått.

Du treng sån ca. :
Rå fisk (gjerne Salma laks)
Bambusmatte (gjerne ei bordbrikke e.l.)
Sushi ris (Blue dragon)
Risvinedddik (Blue dragon)
Sylta ingefær
Wasabi (ei slags grøn pepparrot)
Tangplater (Blue dragon)
Soyasaus




Her ser du eigenprodusert Sushi maki (skivene) og nigiri.



Ein stolt amatørsushikokk

Rockhopping

I april hadde eg besøk av Vegard, tradisjonen tru måtte me ta ein tur ut til Firsteinane vest for Hitsøy på Sotra. Sist me var der klarte Vegard å dra seg opp ned over eit skjer før han endte i ein roleg lagune på andre sida. Me var med andre ord litt spente på kva dagen ville bringe. Salaten var lagt igjen heime, her var det oste og bacon grill som stod på menyen, eingongsgrillen låg klar i ei luke og hjelmane var med.



"Det var Valley og det var grill, latter og litt krill, det var sommerfri og sjø og magi"


Vegard tar an litt mer rolig denne gong..

Torbjørn bomma litt..

For ein herlig dag!

Vegard teste ut saltholdigheten i vatnet, mmmm..

Undervannsfoto

Var ute i dag og fridykka litt på Jelsa, hadde med meg Olympus mju 1030SW.
Prøvde å ta litt bilder, men det var møye alger og grums i sjøen som gjorde det vanskeleg å få til noko skikkeleg. Kamera sleit med å få fokusert.. Det er kanskje lykt som er tingen? Forutan mykje grums såg eg ein liten gjeng med sjøaure som suste forbi, to fjesing, ein skokk med bergylt, rødnebb, blåstål, flyndrer og anna snask. Kom dykk under vatnet folkens og kos dykk ;)


Fine fargar er det iallefall!


Men kva er dette?


Tok ti bilder av denne og dette vart det beste (!) eg må nok øve meg meir...

Tenk at mange bare padlar over dette utan å ense det?!

Torbjørn

Lokøy

Rett før ferien fekk me tid til ein nydelig tur til Lokøy. Ei nydelig øy på vestsida av Sotra utanfor Bergen. Ein herlig retreat etter harde timar rundt kollokvibordet med matematikk og pedagogikklesing...


Strandnelliken stod i full blomst..


Ta det roleg gutar! Det var ikkje berre salat...


Grei utsikt ut i havet..


To nydelige NDK glis..du får kjøpt dei på God Tur..

Torbjørn

Sigma 50-200mm F2.8

Eit par bilete teke med objektivet Bergen kommune var så greie å sponse deler av.


Rullekongen Sander og Gitarkyrre fra Njord Symposiumet 2009:

Vår faste gjest Mr.Fluesmetter heime på Jelsa

Synes iallefall ideen fiskekrok foran bølger var god... det var dessverre ikkje fokuseringa.. Nå er ballen sparka viare..


Nydeleg kvelshimmel over Bulandet - ein av mine favorittstader å padle..

Treng eg seie noke meir?

Konklusjon: Eg er godt fornøyd med linsa og ser fram til å bruke ho meir. Det eg ikkje er så fornøyd med er at det har kome ein død pixel (?) på alle bileta mine for tida. Feilen ligg i kamera har eg funne ut.. Jaja, no ser eg at Nikon D5000 har kome, det får bli med tida... Og kanskje nok ein gong med Bergen kommune på laget.. For spesielt interesserte; alle bileta er tatt med Nikon D40x..

Torbjørn

Ryfylke Kajakk blogger!

Bloggeblog

Så har vi altså slått oss på blogging. Tanken er at vi gjennom bloggen kan inspirere flere til å komme seg ut av sofaen og ut på og i vannet. Vi har lyst å spre padleglede, men også andre interesser. Det kan være foto, brettseiling, kajakkpolo, mat, reiser +++

Så følg med...

For ikkje å starte fyrste innlegg på kun bokmålsk må eg få avslutte på litt nynorsk. Eg seier berre:
"mosen er den trugnaste av alle vekster.." - han der Rasmus Løland var vel ein liten luring han!